Shohjahon Jo'rayev - Yig'lama 2014 yil

Шохжахон Жураев Йиглама 2014 йил

Sevgi dil og'rig'i ko'ngil chog'
Soxta mehring bilan qalbim tig'lama
Yolg'onlaring oshkor bo'lib oxiri
Alamdan sochlaring yulib yig'lama

Ko'z oldimda hamon gulgun jamoling
Ruhumni allalab aldar xayoling
Bir kuni javobsiz qolsa savoling
Foydasiz pushaymon qilib yig'lama

Sevgi quvonchmikan ayt yoki g'ammi
Ul g'am yuragimda to abad jammi
Tunni yoritolmay tugagan shammi
Bilolmay bag'ring tilib yig'lama

Shumi ishq degani vafo degani
Ishq maxzun yurakka jafo degani
Menla yurub zimdan o'ylab boshqani
Ikki o't ichimda qolib yig'lama

Seni sevib bo'ldim dalle devona
Bugun yolg'oningdan quydim pinhona
Sen menga men senga endi begona
Mendan ham o'zingdan nolib yig'lama