Даулет Стамғазиев - Еліңнің келешегін бүгін ойлан

Еліңнің келешегін бүгін ойлан,
Суымай тұрсын тердің буы бойдан.
Қамығып жүрмесінші келер ұрпақ
Арылып өмір сүрсін күдік-ойдан.

Қашаннан қазақ қанын ластамаған,
Тым үлкен үміт күткен жас баладан.
Дүлділі болдырса да бірақ мүлде,
Бір-бірің жолда жалғыз тастамаған.

Ертең кеш бүгін қазір жасап қал,
Дұшпан көп, ту сыртынан тас атқан.
Ел үшін, жер үшін, текті ата-бабаның,
Көзі емес жүрегінен жасы аққан.